Ons is al dae getroud



Ons troudag


21 September 2002 - My en Marisa se troudag! Wat 'n dag! 'n Dag in ons lewe wat moeilik oortref sal word.
Die vorige aand al het Marisa my alleen gelaat om die laaste vrye tyd sal met haar familie deur te bring. My ouers en een van broers het by my gebraai. Piet en sy gesin het dan ook sommer die aand by my in die huis geslaap.
Slaap was maar min! Die opgewondenheid en afwagting was redelik groot gewees.
Die volgende oggend van die troue het ons my motor gaan wegsteek sodat hy die vandale (Marisa se vriende) kon ontduik. Daarna het ek maar die tyd afgewag na die troue toe.

O ja, ek het 3 ure voor die troue nog vir Wayne,
my strooijonker, gaan help soek vir 'n broek,
hemp en das vir die troue. Kalmeer het dit my
beslis nie.
Hier is ek en Wayne voor die troue.



Uiteindelik het die tyd aangebreek! Ek en Wayne het in die motor geklim en was op pad kerk toe. By die kerk is daar vinnig fotos geneem van my, my pa en my broers.
Hier is ek , my pa, my broers en
Wayne voor die kerk.
Van Links na Regs: Piet, Manie,
Nico, ek, Wayne en my pa.


Voor ek my weer kon kry was ek in die kerk se voorste bank. Gereed, Afwagtend!
Die oomblik het aangebreek. Langs my was Wayne amper meer gespanne as ek. Met die inkom was ek skielik baie opgewonde en bly gewees. Hierdie bruid wat in die gang afgestap gekom het, was MY bruid.

In die kerk


Hendri Roberts was ons predikant gewees. Ek ken vir Hendri al baie jare en hy het met ons gepraat. Mooi en goed gepraat. Ek het geweet dat ek en Marisa vir mekaar bedoel is. Met die ring aanstekery was ek te gou gewees en moes die ring tydelik weer afhaal. Maar uiteindelik het ons altwee "JA" geantwoord en was ons man en vrou gewees. Gou was die registers geteken en kon ons die wereld as man en vrou tegemoet kom.

Die getuies


Ons kom uit die kerk uit


Die onthaal wat gevolg het, was baie lekker gewees. Stefan se musiek het die mense heeltyd op die vloer gehad. My "speach" was natuurlik hel gewees omdat die manne my sake maar bra moeilik gemaak het. Hier is fotos van ek, my ouers en Marisa op die troue.




Marisa het soos 'n prinses gelyk. Ek kon amper nie my geluk glo dat dit ek is wat met haar trou nie. Iewers het ek beslis iets reg gedoen.

Hier is fotos van Marisa op die troue.


Terug na ons Troue Blad.

Stuur epos aan Louis of Marisa.